Nalunaarutiginninnermut aaqqissuussinerup siunertarivaa Nalunaarsuutinut nakkutilliivik inuup paasissutissanik suliaqarnermi ilaannut aqutsisinnaalernissamut periarfissaqarnissaq. Nalunaarutiginninnermut aaqqissuussineruttaaq pisortanut suliaqanermut ilisimaarinnilersitsinissamut periarfisseerusulluni.
Inuit pillugit paasissutissanik suliaqarneq pillugu inatsit arlalinni piumasaqaateqarpoq, suut paasissutissat nalunaarutiginninnermi imarissaneraat. Ilaatigut nalunaarsuinermut akisussaasup aqqa najugaalu, suliarisap aqqa siunertaalu kiisalu inuit akornisa paasissutissallu qanoq ittuussusaat suliarineqarnerisa paasissutissaat pillugit.
Pingaaruteqarpoq maluginiassallugu, ataasiakkaat ujarliutit imal. it-systemit, nalunaarutiginnittussat taakkuunngitsut, kisianni inuup paasissutissaanik suliarinnittut, tunniussivigisassatut siunertaqartunoortut. Ass. nalunaarutiginninneq pisortat oqartussaasuni suliffeqarfiup inuttut allaffissornermut imal. sullissinermut attuumassuteqarpat.
Pisortat oqartussaasut tunngaviusmik paasissutissanik isertuussanik suliaqarnerminnik nalunaartussaapput. Oqartussat Nalunaarsuinermut Nakkutilliisoqarfimmii oqaateqaammik, nalunaarsuinermut suliaqarnermik aallartinnginnerminni, nalinginnaasumik pissarseqqaartussaapput.
Paasissutissat isertortut malussarissumik paasissutissat, Inuit pillugit paasissutissanik suliaqarneq pillugu inatsimmi § 7 aamma § 8 eqqaaneqartut, paasissutissallu allat, malussarissuunngitsut, kisianni imatut ilisarnaateqartut, innuttaasuni nalinginaasumik pisortaqarfiup ilisimalernitariaqanngisaat naapertorlugu ilisarnaatilli, ilaatigut imarivaat. Ass. isertitanut pisuussutinullu tunngasut pinngitsoornani isertuussassanut tunngasut paasissutissat. Oqartussaasut sanileriisitsilerpata imal. inuup paasissutissanik misissuinermi ingerlateqatigiilerpata, sanileriisitsinerup/ingerlaqatigiilersitsinerup inernera aamma isertuussassaassaaq.
Ilanngunneqartussaanngitsutut kinaassutsimut paasissutissat isertortut (ass. inuup normua) oqartussat suliffeqarfianiit oqartussat suliffeqarfiinullu akiliinermut paasissutissat nalunaarutigineqaratik siunertamikku ingerlanenqartussaasut isertuussassaasinnaapput.
Nalunaarsuinermut akisussaasoq privatimi isumaginnittuuvoq aallartiffimmigut taamaallaat sulianik nalunaarutiginnittussaavoq, paasissutissat mianernartut ilaanniittut. Privatimi isumaginnittuni nalunaartussaanermut suliaqarneq aatsaat aallartissaaq, Nalunaarsuinermut nakkutilliisut akisuissuteqarsimalerpata aatsaat. Pisut ilaanni Nalunaarsuinermut nakkutilliisunut nalunaarutiginnittoqarsinnaassaaq, naak paasissutissat mianernartutut suliarineqanngikkaluartut. Ilaatigut ukuupput, suliaqarneq inatsiseqarnermut paasissutissanut systemimi, mianersoqqussisoqarnerani imal. mattussigallarnermi listimi (imaappoq akiliutit pillugit listi il.il., matugallarneqarsimasuni) ingerlatsinissamut siunertaqartunut, Akiligassarsinermut paasissutissanik allaffeqarfik suliffeqarfillu, atorfinitsitsinermi ikiorsiissutinik suliffeqarnermut tunngasunik tunniussisoq, Nalunaarsuinermut Nakkutilliisoqarfimmut nalunaarutiginnittussaavortaaq.
Suliarpaaluit nalunaarutiginninnermiit pinngitsuutinneqarput, naak paasissutissat mianernartunik imaqaraluartut. Assersuutigalugu inuup paasissutissaanik suliaqarneq, nakorsanit inatsisilerituunillu, nalunaarutinninnermiit pinngitsuutitaasoq, suliffimminnut atatillugu ingerlatsisut. Peqatigiiffiit assigisaallu paasissutissanik namminneq ilaasortatik pillugit suliaqarnerminnut nalunaartussaanngillattaaq.
Nalunaarsuinermut Nakkutilliivik immersuiffissat arlallit suliarinikuuaat, nalunaarnermut atatillugu atugassat Nalunaarsuinermut Nakkutillivimmut inuup paasissutissaataanik suliaqarnissamut.
Privatimik nalunaarsuinermut akisussaasoq “Privatimi Suliffeqarfik - Kalaallit Nunaat” immersuiffissaq atussavaa, pisortallu oqartussai “Pisortani suliffeqarfik - Kalaallit Nunaat” imal. ataatsimut nalunaarnermut immersuiffissaq atussavaat.
Malugiuk, immersugassat qallunaatoorput.
Offentlig forvaltning ved grønlandske myndigheder
Sagsbehandling hos grønlandske myndigheder
Videnskabelige og statistiske undersøgelser hos grønlandske myndigheder
Nalunaarsuutit suliat ingerlaartut pillugit isikkiviuvoq, nakkutilliisunut nalunaarutigineqarsimasut, nakkutilliiviullu suliaralugit naammassereersimasaat. Nalunaarsuinermut Nakkutilliivik nalunaarsuutinik akulikitsumik malinnaasarpoq.
Nalunaarneq nalunaarsuutinik ilaatigut takutinneqarnavianngilaq, Nalunaarsuinermut Nakkutilliivimmut aatsaat nassiunneqarpat, imal. nakkutilliisut suliami sullissineq ingerlaarsimappat.